Bakı, 3 dekabr, AZƏRTAC 

Cari ilin yanvar-oktyabr aylarında Bakı şəhərində tikinti materiallarının istehsalı sahəsində fəaliyyət göstərən müəssisələr tərəfindən istehsal edilən məhsulun ümumi dəyəri ötən ilin müvafiq dövrünə nisbətən sabit qiymətlərlə 9,9 faiz artaraq 400,0 milyon manat təşkil edib.
AZƏRTAC Bakı Şəhər Statistika İdarəsinin yaydığı hesabata istinadla xəbər verir ki, ötən ilin yanvar-oktyabr aylarına nisbətən hörmə üçün hazır beton qarışığının istehsalı 2,6 dəfə, sementin istehsalı isə 14,1 faiz artıb.