“London-2018”: Maqnus Karlsen və Fabiano Karuanadan növbəti heç-heçə
Bakı, 14 noyabr, AZƏRTAC
Londonda şahmat üzrə dünya çempionu adı uğrunda mübarizə davam edir.
AZƏRTAC xəbər verir ki, noyabrın 13-də dördüncü partiyada ağ fiqurlarla oynayan Norveç idmançısı Maqnus Karlsen ABŞ təmsilçisi Fabiano Karuana ilə 34-cü gedişdə heç-heçə edib.
Şahmatçılar ilk üç partiyada da xalı yarı bölüblər. Beləliklə, dörd oyunun nəticəsinə görə hesab bərabərdir – 2:2.
Beşinci partiya noyabrın 15-də oynanılacaq.
Noyabrın 28-dək davam etməsi nəzərdə tutulan yarış vaxta klassik üsulla nəzarət edilən 12 partiyadan ibarət olacaq. Hər iki partiyadan sonra bir istirahət günü planlaşdırılır. On iki partiyadan sonra hesab heç-heçə olarsa, tay-brek təyin ediləcək.
Oyunun ümumi mükafat fondu 1 milyon ABŞ dolları təşkil edir. Qalib şahmatçıya 600 min, məğlub olana isə 400 min dollar məbləğində mükafat veriləcək.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir