Bakı, 13 noyabr, AZƏRTAC
Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə paytaxtın Xəzər rayonunun Şüvəlan qəsəbəsində “Şimal” Elektrik Stansiyasının ərazisində ehtiyatda olan transformatorda yanğının baş verməsi barədə məlumat daxil olub.
FHN-dən AZƏRTAC-a bildiriblər ki, Dövlət Yanğından Mühafizə Xidmətinin yanğından mühafizə bölmələri dərhal əraziyə cəlb olunub. Həyata keçirilmiş operativ tədbirlər nəticəsində yanğın söndürülüb.
Fövqəladə hallar naziri, general-polkovnik Kəmaləddin Heydərov və nazirliyin digər rəhbər şəxsləri yanğınla əlaqədar hadisə yerinə gəliblər.