Ağdaşda indiyədək 9653 hektarda payızlıq taxıl səpilib
Ağdaş, 13 noyabr, AZƏRTAC
Ağdaşda payızlıq taxıl səpin davam edir və indiyədək 9653 hektarda əkin aparılıb.
Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, payız əkinlərinin 2510 hektarı buğda, 7063 hektarı arpa, 80 hektarı isə xəsildir. Bölgədə ərzaq təhlükəsizliyində xüsusi önəm kəsb edən bu mühüm strateji sahənin inkişafı diqqət mərkəzindədir. Təsadüfi deyil ki, indiyədək əkin aparılan sahələr ötən ilin müvafiq dövrü ilə müqayisədə 2150 hektardan çoxdur.
Rayonun əksər ərazilərində, xüsusilə Qaradeyin, Kotavan ərazi icra nümayəndəliklərində, Eymur bələdiyyəsində və digər yerlərdə səpin daha mütəşəkkil davam etdirilir. Səpin zamanı hər gün sahələrə 9 taxılsəpən texnika, kifayət qədər şum traktoru çıxarılır. Artıq 12800 hektarda şum aparılıb.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb