×
A
A
A
Sazlamalar

“Brent”in qiyməti 68 dollar/barrelə düşüb

Bakı, 13 noyabr, AZƏRTAC

“Brent” markalı neftin bir barrelinin qiyməti son 8 ayın minimumuna enib.
AZƏRTAC xəbər verir ki, “Brent”in bir barrelinin qiyməti Londonun ICE birjasında 68,58 dollara düşərək cari ilin martından indiyədək ən aşağı səviyyəyə geriləyib. Nyu-Yorkun NYMEX birjasında isə “Light” neftinin bir barrelinin qiyməti 58,54 dollara enib.
Ekspertlərin fikrincə, “qara qızıl”ın qiyməti Səudiyyə Ərəbistanının dekabrda neft ixracını 500 min barrel azaldacağını açıqlaması, OPEC-in gələn il üçün hasilatını yenidən aşağı salmağı nəzərdən keçirdiyinə dair xəbərlərin yayılması və ABŞ-ın buna reaksiyası fonunda ucuzlaşır. Həmçinin qlobal iqtisadiyyata dair mənfi gözləntilər və ABŞ-ın İrana qarşı sanksiyalarda 8 ölkəyə güzəştə getməsindən sonra bazarda tədarükün çoxalması da neftin qiymətinin aşağı istiqamətli dəyişməsinə təsir edən əsas faktorlardır.

Neft - qaz 2018-11-13 15:20:00