Türkiyə Camal Kaşıkçı cinayətinin səs yazısını altı ölkə ilə paylaşıb
Bakı, 13 noyabr, AZƏRTAC
Türkiyənin hakimiyyət orqanları jurnalist Camal Kaşıkçının qətlə yetirilməsinin əks olunduğu səs yazısını altı ölkəyə təqdim edib. Türkiyə Prezidenti Rəcəb Tayyib Ərdoğan bu faktı Parisdən qayıdarkən təyyarədə jurnalistlərə açıqlayıb.
AZƏRTAC Türkiyənin NTV telekanalına istinadla xəbər verir ki, Ərdoğan bu səs yazısının onu dinləmək istəyənlərin hamısına təqdim olunduğunu deyib: “Bizim kəşfiyyat təşkilatımız heç nəyi gizlətmir. Səudiyyə Ərəbistanı ilə yanaşı, səs yazısını ABŞ, Fransa, Kanada, Almaniya və Böyük Britaniya dinləyib. Lentin məzmunu əsl faciədir. Hətta Səudiyyə Ərəbistanı kəşfiyyatının zabiti onu dinləyərkən şoka düşüb”.
Prezident, həmçinin bildirib ki, Səudiyyə Ərəbistanının baş prokuroru Səud əl-Muacibin təhqiqata maneçilik törətməsinə baxmayaraq, Türkiyə səudiyyə tərəfinin bu cinayətə nə vaxt işıq salacağını səbirlə gözləyir. Ərdoğan əlavə edib ki, cinayətlə əlaqəsi olanlar jurnalistin öldürüldüyü gün İstanbula göndərilmiş 18 yüksəkvəzifəli məmurun arasındadır. “Şübhəsiz ki, bu 18 nəfərin arasında cinayətkarlar var. Daha kim? Əmri verən. İcraçılarla yanaşı, onlara əmr verəni də müəyyənləşdirmək lazımdır”, - Türkiyə Prezidenti belə deyib. O qeyd edib ki, Türkiyə bu işləri izləməkdə və Ər-Riyada Kaşıkçının cəsədinin harada olduğu barədə suallar verməkdə davam edəcək.
Xatırladaq ki, Camal Kaşıkçı oktyabrın 2-də sənədləşmə ilə bağlı Səudiyyə Ərəbistanının İstanbuldakı Baş konsulluğuna gəlmiş və həmin vaxtdan itkin düşmüşdü. Oktyabrın 20-də Səudiyyə Ərəbistanının baş prokurorluğu jurnalistin diplomatik missiyada yaranmış mübahisə nəticəsində öldüyünü bildirsə də, sonradan cinayətin planlı şəkildə törədildiyini etiraf edib.
Gürcüstanın Bakuriani bölgəsində baş verən qar uçqunu nəticəsində bir nəfər itkin düşüb
Netanyahu HƏMAS-ın “strateji aktivlərinə” həbs qoyulduğunu açıqlayıb
ABŞ Konqresinin nümayəndə heyəti Ankarada “F-16” tədarükü mövzusunu müzakirə edəcək
BMT: Konqonun şərqindəki döyüşlər 6 milyona yaxın insanın evlərini tərk etməsinə səbəb olub
“Crocus City Hall”da terror aktı törədilən yerdə sübutların yoxlanılması başa çatdırılıb