Güləşçimiz İslam Abbasov bürünc medal uğrunda yarışacaq
Bakı, 13 noyabr, AZƏRTAC
Buxarestdə 23 yaşadək güləşçilər arasında dünya çempionatı davam edir.
AZƏRTAC xəbər verir ki, ilk yarış günündə yunan-Roma güləşçilərimizdən ikisi mübarizə aparıb.
Təmsilçimiz Ramiz Məmmədov (63 kq) mundiala inamlı start verib. Güləşçimiz 1/8 finalda macar rəqibi Marton Yaşa elə ilk hissədə qalib gəlməyi bacarıb. Ancaq güləşçimiz 1/4 finalda iranlı Meysam Kərəməli Dalxani ilə gərgin idman mübarizəsi şəraitində keçən görüşdə uduzub.
Çempionatda 87 kiloqram çəki dərəcəsində mübarizə aparan İslam Abbasov da 1/8 final mərhələsini rahat keçib. Güləşçimiz Yaponiya təmsilçisi Kanta Şiokavanı ilk hissədə məğlub edib. Növbəti görüş isə ağır keçib. Bununla belə, Abbasov gürcü güləşçisi Qurami Xetsurianiyə də qalib gələrək adını yarımfinala yazdırıb. Ancaq İslam finalın bir addımlığında ukraynalı Semyon Novikovla bacarmayıb.
Güləşçimiz noyabrın 13-də bürünc medal uğrunda görüşə çıxacaq.
Azərbaycan boksçuları Bakıdakı beynəlxalq turniri 21 medalla başa vurublar
AMADA-nın əməkdaşı WADA-nın vebinarında iştirak edib
Premyer Liqa: Dörd oyuna hakim təyinatları açıqlanıb
Azərbaycan ağırlıqqaldıranları üçün antidopinqlə bağlı seminar keçirilib