MOİK təmsilçiləri 18 medal qazanaraq açıq Avropa çempionatının qalibi olublar
Bakı, 8 noyabr, AZƏRTAC
Dünya miqyaslı bir çox turnirlərdə Azərbaycan Ordusunu layiqincə təmsil edərək Vətənə çoxlu medallarla qayıdan Mərkəzi Ordu İdman Klubunun (MOİK) yetirmələri növbəti dəfə uğur qazanıblar.
Müdafiə Nazirliyinin mətbuat xidmətindən AZƏRTAC-a bildiriblər ki, MOİK-in idmançıları Kiyevdə keçirilən kyokuşin karate üzrə açıq Avropa çempionatının qalibi olublar.
İdmançılarımız 5-i qızıl, 7-si gümüş və 6-sı bürünc olmaqla ümumilikdə 18 medal qazanıblar.
Bu yarışlarda dünya çempionu, Dünya Kyokuşin Karate təşkilatının direktoru Əziz Əşrəfov 10 beysbol bitasını ayağı ilə sındıraraq dünya rekordunu yeniləyib.
On səkkiz ölkədən 160 idmançının iştirak etdiyi çempionatda məşqçilər Akif İsgəndərov, İnşallah Camalov, Abbas Abbasovun və Hamlet Əlilinin rəhbərliyi ilə tatami üzərinə çıxan pəhləvanlarımız medal sayına görə iştirakçı komandalar arasında birinci yeri tutublar.
Azərbaycan Kubokunda yarımfinal mərhələsinin cavab oyunlarının proqramı açıqlanıb
Baş katib: Azərbaycan basketbolunda yeni tarix yazmaq istəyirik
Olimpiya idman növləri üzrə federasiyalar üçün seminar keçirilib
Bakı kəndləri arasında futbol turniri başlayır
Azərbaycan cüdoçuları “Böyük Dəbilqə” turnirinin ilk günündə medal qazana bilməyiblər