UEFA Gənclər Liqası: “Qəbələ” komandası “Herta” ilə qarşılaşıb
Bakı, 7 noyabr, AZƏRTAC
Noyabrın 7-də “Qəbələ” klubunun 19 yaşadək futbolçulardan ibarət komandası UEFA Gənclər Liqasında növbəti oyununu keçirib.
AZƏRTAC xəbər verir ki, “qırmızı-qaralar” ikinci mərhələnin ilk oyununda Almaniya çempionu “Herta” ilə qarşılaşıb. Görüş qonaqların 1:3 hesablı qələbəsi ilə başa çatıb. Qəbələlilərin heyətində yeganə qolun müəllifi Əli Sadiqov olub. O, matçın 88-ci dəqiqəsində adını tabloya yazdırıb.
Komandalar arasında cavab oyunu noyabrın 28-də Berlində keçiriləcək. Qalib komanda pley-off mərhələsinə yüksələcək.
Xatırladaq ki, “Qəbələ” birinci mərhələdə Moldovanın “Şerif” komandasını mübarizədən kənarlaşdırmışdı – 1:1, 3:1.
FHN-nin qurumları arasında stolüstü tennis üzrə çempionata yekun vurulub
Konfrans Liqası: Türkiyəli futbolçunun vurduğu qol ən yaxşı seçilib
Fransalı gimnast: Bakı çox ecazkar və müasir şəhərdir