AQTA əməkdaşları Malayziyada keçirilən beynəlxalq təlimdə iştirak ediblər
Bakı, 18 oktyabr, AZƏRTAC
Azərbaycan Qida Təhlükəsizliyi Agentliyinin (AQTA) əməkdaşları Malayziya Respublikasında keçirilən “Qida, Kosmetik və Səhiyyə məhsulları istehsalında islami qaydalar və keyfiyyətli istehsal təcrübəsi (GMP)” təlimində iştirak ediblər.
Agentliyin mətbuat xidmətindən AZƏRTAC-a bildiriblər ki, on ölkənin nümayəndə heyətinin iştirak etdiyi təlim proqramı Malayziya Texniki Əməkdaşlıq Korporasiyası və ölkənin Xarici İşlər Nazirliyinin təşkilatçılığı ilə həyata keçirilib.
Təlimlərdə Malayziya hökumətinin təcrübəsi ilə bağlı nəzəri və praktiki məlumatlar verilib, “Qida, kosmetik və səhiyyə sənayesində keyfiyyətli istehsal təcrübəsi tələbləri, qanuni öhdəliklər”, “İstehsal müəssisələrinə qoyulan tələblər və onların şərhi”, “Halal sertifikatlaşdırılma və prinsipləri”, “Halal sertifikatlaşdırılmanın əsasları və akkreditasiya olunmuş yoxlayıcı orqanlar”, “Auditlərin aparılma qaydası” və “Xarici tərəfdaşlıq çərçivəsində İslami İnkişaf Departamentinin (JAKİM) akkreditasiya və sertifikatlaşdırma prosedurları” mövzularında müzakirələr aparılıb.
Tədbirin sonunda iştirakçılar müzakirə olunan məsələlərlə əlaqədar öz ölkələrində olan vəziyyətlə bağlı təqdimatlar ediblər.
Ötən həftə Azərbaycanda COVID-19 əleyhinə 70 doza vaksin vurulub
Ötən həftə Azərbaycanda COVID-19 infeksiyasına 111 yoluxma faktı qeydə alınıb
COVID-19-un yeni variantı daha yüksək mutasiya qabiliyyətinə malikdir
COVID-19-un EQ.5 mutasiyasından qorunmaq üçün sadə gigiyenik qaydalara əməl etmək lazımdır
Çexiyalı kardioloqlar aritmiyanın müalicəsində yeni üsul hazırlayıblar