Astanada görkəmli bəstəkar Qara Qarayevin 100 illiyi qeyd ediləcək
Astana, 18 oktyabr, AZƏRTAC
Oktyabrın 23-də Qazaxıstanın paytaxtı Astanada Azərbaycan mədəniyyətinin görkəmli nümayəndəsi, tanınmış bəstəkar, SSRİ xalq artisti, Sosialist əməyi qəhrəmanı, Dövlət mükafatları laureatı, akademik Qara Qarayevin anadan olmasının 100 illiyi qeyd ediləcək.
Azərbaycanın Qazaxıstandakı səfirliyindən AZƏRTAC-a bildiriblər ki, TÜRKSOY-un təşkilatçılığı və Azərbaycanın Qazaxıstandakı səfirliyinin dəstəyi ilə keçiriləcək tədbir konsert proqramı ilə davam edəcək. Astana Akimliyi (qubernatorluğu) yanında Dövlət Akademik Filarmoniyasında təqdim ediləcək konsertin bədii rəhbəri Berik Batırxandır.
Filarmoniya orkestrinin dirijorları Mustafa Mehmandarov və Murtuza Bülbüldür. Proqramda Qara Qarayevin “Leyli və Məcnun” simfonik poeması, “Yeddi gözəl” baletindən vals və süitalar tamaşaçılara təqdim olunacaq.
İlahə Əhmədova
AZƏRTAC-ın xüsusi müxbiri
Astana
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir