Azərbaycan Dövlət
İnformasiya Agentliyi

A
A
A
Sazlamalar

“Naxçıvan” jurnalının növbəti sayı Azərbaycan Xalq Cümhuriyyətinin 100 illik yubileyinə həsr olunub

Naxçıvan, 11 oktyabr, AZƏRTAC

“Naxçıvan” ictimai-siyasi, ədəbi-bədii, еlmi-publisistik jurnalının bu günlərdə 37-ci sayı çapdan çıxıb.
AZƏRTAC-ın Naxçıvan bürosu xəbər verir ki, Azərbaycan Xalq Cümhuriyyətinin 100 illik yubileyinə həsr olunan jurnalın bu nömrəsinin ilk səhifələrində Azərbaycan Prezidentinin Azərbaycan Xalq Cümhuriyyətinin 100 illik yubileyinin keçirilməsi və Naxçıvan Muxtar Respublikası Ali Məclisi Sədrinin həmin yubileyin Naxçıvanda keçirilməsi ilə əlaqədar Tədbirlər Planının təsdiq edilməsi ilə bağlı sərəncamları yer alıb.
“Azərbaycan Xalq Cümhuriyyətinin fəaliyyəti tədqiqatlarda”, “Azərbaycan Xalq Cümhuriyyəti və Naxçıvan arxiv sənədlərində” bölmələrində Şərqin ilk demokratik respublikasının tarixi, onun siyasi fəaliyyəti, dövlətçilik prinsipləri haqqında geniş məlumat verilir. “Naxçıvan 1918-1920-ci illərdə” bölməsində isə həmin illərdə Naxçıvan və Türkiyənin Anadolu hissəsində yaradılan Araz-Türk Respublikası və Naxçıvanın o dövrdəki ictimai-siyasi vəziyyəti öz əksini tapıb.
“Əcəmi” Nəşriyyat-Poliqrafiya Birliyində nəşr edilən jurnal geniş oxucu auditoriyası üçün nəzərdə tutulub.

Regionlar 2018-10-11 19:15:00