Adana, 25 sentyabr, AZƏRTAC 

Adana şəhərində XXV Beynəlxalq Film Festivalı münasibətilə təntənəli mərasim təşkil olunub.
AZƏRTAC xəbər verir ki, əvvəlcə Adana film festivalının yaranması, qazandığı uğurlar, qarşıya qoyulan məqsədlər barədə geniş məlumat verilib.
Çıxışında Türkiyə kinosunun oynadığı roldan bəhs edən Adana Böyükşəhər bələdiyyəsinin sədri Hüseyn Sözlü əminliklə bildirib ki, aparıcı film mütəxəssislərini bir araya gətirən Adana festivalı bundan sonra da böyük uğurlar qazanacaq.
Sonra təşkilat komitəsi və Anada Böyükşəhər bələdiyyəsi tərəfindən tanınmış rejissor və aktyorlara medallar təqdim olunub.
Azərbaycan nümayəndə heyəti Adana kinosu festivalının təntənəli açılış mərasimində iştirak edib.
Qeyd edək ki, festival çərçivəsində Azərbaycan kinosunun 120 illiyi ilə bağlı tədbir keçirilib, sənədli film nümayiş olunub.

Sabir Şahtaxtı
AZƏRTAC-ın xüsusi müxbiri
Adana