“Rəssamın gözü ilə” layihəsi çərçivəsində növbəti tədbir
Bakı, 24 sentyabr, AZƏRTAC
Sentyabrın 28-də “YARAT” Müasir İncəsənət Məkanında “Rəssamın gözü ilə” layihəsi çərçivəsində növbəti tədbir Azərbaycan rəngkarlıq məktəbinin görkəmli nümayəndəsi, Xalq rəssamı Böyükağa Mirzəzadənin yaradıcılığına həsr olunacaq.
AZƏRTAC xəbər verir ki, tədbirdə rəssamın qızı, sənətşünas Ofeliya Mirzəzadə sənətkarın həyat və yaradıcılığından, pedaqoji fəaliyyətindən, işlədiyi çoxşaxəli mövzu və janrlardan, portretlərindəki qəhrəmanlardan, əsərlərindəki kompozisiya quruluşundan danışacaq.
Dialoq formatında keçiriləcək görüşdə qonaqlara Böyükağa Mirzəzadənin həyat və yaradıcılığının maraqlı anlarından söhbət açılacaq.
Tədbir iştirakçılar böyük portret ustadının sərgidə nümayiş olunan, əsrarəngiz rəng kompozisiyaları ilə seçilən əsərləri ilə də tanış ola biləcəklər.
Qeyd edək ki, Böyükağa müxtəlif janrlarda işləyib. Rəssamın əsərləri Azərbaycan muzeylərində olduğu kimi, bir çox xarici ölkələrin muzey və qalereyalarında, şəxsi kolleksiyalarda saxlanılır. Onun "Çətir altında natürmort" əsəri Moskvada Tretyakov Qalereyasının bədii fonduna daxil edilib.
Cəfər Cabbarlının 125 illik yubileyi qeyd olunub
Cenevrədə keçiriləcək “Türk həftəsi”ndə türkdilli dövlətlərin mədəni irsi tanıdılacaq
Rus evində “Bakı. Sevgi. Bahar.” festivalı keçirilir
Venesiya Biennalesində Azərbaycan pavilyonunun açılışı olub VİDEO
Xalq rəssamı Aydın Rəcəbovun 80 illik yubileyinə həsr olunmuş “Bir ömrün naxışları” sərgisi açılıb