Dünyada ilk dəfə 7 nanometrlik smartfon prosessoru təqdim ediləcək
Bakı, 18 avqust, AZƏRTAC
"Huawei" 7 nanometrlik texnoloji proses normalarına uyğun istehsal edilmiş prosessorla təchiz ediləcək smartfon təqdim edən ilk şirkət kimi tarixə düşəcək.
AZƏRTAC "hitech.vesti.ru" saytına istinadla xəbər verir ki, şirkətin istehlak bölməsinin direktoru Riçard Yu "Kirin 980" prosessorunun oktyabrda təqdim ediləcək "Mate 20" smartfonuna quraşdırılacağını bildirib.
"Huawei" şirkəti avqustun 31-dən sentyabrın 5-dək Berlində keçiriləcək "IFA 2018" sərgisində yeni mobil prosessorunu rəsmən təqdim edəcək.
"Kirin 980" prosessoru 7 nanometrlik texnoloji proses üzrə hazırlanacaq. Yeni prosessor əvvəlki 10 nanometrlik 970 modelindən 20 faiz daha məhsuldar və enerji baxımından 40 faiz daha səmərəli olacaq. Yeni prosessor 8 nüvəyə (4 "ARM Cortex-A76" və 4 "Cortex-A55") malik olacaq və takt tezliyi 2,8 QHs-dək çatacaq. Yeni neyron şəbəkə modulunun süni intellekt funksiyaları ilə bağlı məsələlərin işlənməsini sürətləndirəcəyi gözlənilir.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır