Samuxda taxıl biçinində yüksək göstərici qeydə alınıb
Samux, 16 avqust, Rauf Hacıyev, AZƏRTAC
Samux rayonunda 10 min 675 hektar sahədə taxıl biçini aparılıb. Taxıl biçininin 6 min 570 hektarı buğda, 4 min 105 hektarı isə arpa sahəsi olub.
Rayon Statistika İdarəsinin rəisi Gündüz Bayramov AZƏRTAC-ın bölgə müxbirinə bildirib ki, sahələrdən 36 min 601 ton məhsul yığılıb. Bu da son 9 ildə ən yüksək göstəricidir.
Qeyd edilib ki, bu il əvvəlki ilə nisbətən 13 min 728 ton və ya 60 faiz çox taxıl istehsal olunub. Məhsuldarlıq hər hektardan 34,3 sentner olub ki, bu da 2017-ci ilə nisbətən 24,7 faiz çoxdur.
Taxıl istehsalının artımını son illərdə iri taxılçılıq təsərrüfatlarının yaradılması ilə bağlı olduğunu deyən Gündüz Bayramov, həmçinin Şəmkir Maşın Su Kanalının işə düşməsini, mineral və üzvi gübrələrdən, pestisidlərdən düzgün istifadə edilməsini və normal iqlim şəraitinin məhsuldarlığın artmasına müsbət təsir göstərdiyini deyib.
Sahələrdə payızlıq taxıl səpininə hazırlıq işləri aparılır.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb