×
A
A
A
Sazlamalar

Taliban yaraqlıları Əfqanıstanda 15 polis əməkdaşını qətlə yetiriblər

Bakı, 17 iyul, AZƏRTAC
Əfqanıstanın cənubundakı Qəndəhər əyalətində Taliban hərəkatının yaraqlıları ilə atışma zamanı 15 polis əməkdaşı həlak olub.
AZƏRTAC xarici KİV-lərə istinadla xəbər verir ki, əyalətin qubernatorunun mətbuat katibi Daud Əhmədi gecə ərzində bir neçə insidentin baş verdiyini deyib.
Yaraqlılar ölkənin şimal-şərqindəki polis mərkəzinə hücum ediblər. Altı polis əməkdaşı həlak olub, 10 nəfər yaralanıb, 25 talibançı isə məhv edilib. Qəndəhər əyalətinin cənub-şərq hissəsində Talibanla toqquşmalar zamanı isə 9 hüquq-mühafizə orqanı əməkdaşı həlak olub, 5 nəfər yaralanıb.
Qeyd edilib ki, Taliban bölgədəki dörd nəzarət nöqtəsini ələ keçirib.

Dünya 2018-07-17 18:42:00