Ermənistan hərbi birləşmələri Ağdam rayonunun Çıraqlı kəndində mülki şəxsləri atəşə tutub
Ağdam, 17 iyul, AZƏRTAC
İyulun 17-də günorta saatlarında Ermənistan ordusunun hərbi birləşmələri Ağdam rayonunun Çıraqlı kəndində mülki şəxsləri atəşə tutub.
AZƏRTAC-ın bölgə müxbiri xəbər verir ki, Çıraqlı kəndində artezian quyusunda təmir işləri aparan Ağdam Rayon Mexaniki Suvarma İdarəsinin işçiləri atəşə məruz qalıblar. Atəş açılması ilə əlaqədar işçilər dərhal ərazidən uzaqlaşa biliblər və iş məcburi olaraq dayandırılıb. Atəş nəticəsində subartezian qurğusuna və borulara ziyan dəyib.
Ağdam Rayon Mexaniki Suvarma İdarəsinin rəisi Hafiz Əzimzadə bildirib ki, hadisə ilə əlaqədar Beynəlxalq Qızıl Xaç Komitəsi dərhal məlumatlandırılıb. BQXK-nin müdaxiləsindən sonra atəş dayandırılıb. Yalnız bundan sonra BQXK-nin əməkdaşlarının da iştirakı ilə təmir işləri davam etdirilib. Hazırda artezian quyusunun fəaliyyəti bərpa olunub.
Otuza yaxın şəhid övladı Ağbulaq İstirahət Mərkəzində istirahət edib
Qızılhacılı kəndinin sakinləri doğma yurdlarının qaytarılmasının sevincini yaşayırlar
Şəkidə “Şahin” hərbi-idman oyununun zona birinciliyinin qalibi müəyyənləşib
Naxçıvanda 1969-1987-ci illərdə 21 iri sənaye müəssisəsi istifadəyə verilib
Baş Prokurorluq tərəfindən Astara rayonunda təmizlik aksiyası təşkil olunub