ABŞ İrana qarşı sanksiyaların tətbiqi zamanı bəzi ölkələrə güzəşt edə bilər
Vaşinqton, 16 iyul, AZƏRTAC
Birləşmiş Ştatlar Tehrana tətbiq edəcəyi sanksiyalardan sonra qlobal neft bazarının çökməsinin qarşısını almaq məqsədilə İrandan neft idxalını dayandırmaq üçün daha çox vaxta ehtiyacı olan ölkələrlə bağlı istisna hallarını müzakirə edə bilər.
AZƏRTAC xəbər verir ki, bunu ABŞ-ın dövlət katibi Mayk Pompeonun başçılıq etdiyi nümayəndə heyətinin tərkibində Meksikaya səfərdən qayıdan maliyyə naziri Stiven Mnuçin deyib.
ABŞ Prezidenti Donald Trampın Administrasiyası Vaşinqtonun İranla nüvə sazişindən çıxması səbəbindən Tehrana qarşı sanksiyaları bərpa edəcəyi tarixdən – noyabr ayından etibarən digər ölkələri İran neftinin idxalını dayandırmağa çağırıb.
S.Mnuçin bildirib ki, iyulun 19-22-də G20 ölkələrinin maliyyə nazirlərinin Buenos-Ayres sammitində inkişaf etmiş və inkişaf etməkdə olan ölkələrdən gəlmiş həmkarları ilə görüşlər keçirəcək. Danışıqlar zamanı ABŞ-ın İrana qarşı sanksiyalarının da müzakirə olunacağı gözlənilir.
Yusif Babanlı
AZƏRTAC-ın xüsusi müxbiri
Vaşinqton
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır