Azərbaycan qadınına seçki hüququnun verilməsinin 100 illiyi münasibətilə İsveçrədə poçt markası buraxılıb
Bern, 12 iyun, AZƏRTAC
Azərbaycan qadınına seçki hüququnun verilməsinin 100 illiyi münasibətilə İsveçrədə poçt markası buraxılıb.
Ölkəmizin İsveçrə Konfederasiyasındakı səfirliyindən AZƏRTAC-a bildiriblər ki, bu barədə razılaşma səfirlik ilə bu ölkənin dövlət poçt müəssisəsi olan “İsveçrə Poçt” Səhmdar Cəmiyyəti (“Schweizerische Post” AG) arasında əldə edilib.
Azərbaycan qadınına seçki hüququnun verilməsinin 100 illiyinə həsr olunmuş poçt markaları qeyri-kommersiya məqsədilə buraxılıb və ölkəmizin səfirliyi tərəfindən istifadə ediləcək. Eyni zamanda, Azərbaycanın Cenevrədəki BMT bölməsinə, digər beynəlxalq təşkilatlar yanında daimi nümayəndəliyinə və SOCAR-ın İsveçrədəki nümayəndəliyinə, eləcə də başqa maraqlı tərəflərə göndəriləcək.
Elgün Niftəli
AZƏRTAC-ın xüsusi müxbiri
Bern
Azərbaycan-ATƏT ikitərəfli əməkdaşlıq gündəliyinin əsas istiqamətləri müzakirə olunub
Azərbaycanın Türkiyədəki səfiri qardaş ölkənin daxili işlər naziri ilə görüşüb
Azərbaycanın ev sahibliyi edəcəyi COP29 qlobal sülhə də töhfə verəcək
Minskdə Sovet İttifaqı Qəhrəmanı Nəcəfqulu Rəfiyevin xatirəsi anılıb