Misir Prezidentinin andiçmə mərasimi iyunun 2-də keçiriləcək
Qahirə, 20 may, AZƏRTAC
Mart ayında ikinci dəfə Misirin Prezidenti seçilən Əbdül Fəttah əs-Sisinin andiçmə mərasimi iyunun 2-də keçiriləcək.
AZƏRTAC yerli KİV-ə istinadla xəbər verir ki, seçilmiş dövlət başçısı ölkənin konstitusiyasına uyğun olaraq rəsmi səlahiyyətlərini yerinə yetirməyə başlamazdan əvvəl Misirin nümayəndələr palatasında (parlament) andiçmə mərasimində iştirak etməlidir.
Qeyd olunur ki, rəsmi mərasimdən sonra ölkə başçısının deputatlar, dövlət rəsmiləri və dəvət olunmuş xarici qonaqların qarşısında çıxışı gözlənilir.
Xatırladaq ki, Əbdül Fəttah əs-Sisi martda keçirilən prezident seçkilərində 97 faizdən çox səs toplayaraq qalib gəlib.
Asya Hacızadə
AZƏRTAC-ın xüsusi müxbiri
Qahirə
NASA ən maraqlı kosmik missiyanı təsdiqləyib
Ukraynada pilotsuz təyyarələr istehsal edən yeni zavod açılıb
Nazir: Türkiyə mülki aviasiya sahəsində sürətlə inkişaf edən ölkələr sırasındadır