Ukrayna Prezidenti ölkəsinin MDB-nin bütün strukturlarındakı nümayəndələrinin geri çağırılmasına dair fərman imzalayıb
Kiyev, 20 may, AZƏRTAC
Ukrayna Prezidenti Petro Poroşenko ölkəsinin Müstəqil Dövlətlər Birliyinin (MDB) bütün strukturlarındakı nümayəndələrinin geri çağırılması ilə bağlı fərman imzalayıb.
AZƏRTAC xəbər verir ki, bu barədə Prezident Petro Poroşenko Vinnitsa şəhərinə səfəri zamanı deyib.
“Ukraynanın MDB strukturlarında daha heç bir işi yoxdur. Biz Avropaya doğru birlikdə hərəkət edirik”, - deyə dövlət başçısı bildirib.
Qeyd edək ki, mayın 2-də Prezident Petro Poroşenko bu ölkənin Milli Təhlükəsizlik və Müdafiə Şurasının iclasında Ukraynanın MDB-nin bütün strukturlarından çıxacağı barədə bəyanat vermişdi.
Emil Hüseynli
AZƏRTAC-ın xüsusi müxbiri
Kiyev
Tədqiqat: 7 saatdan az yuxu yüksək təzyiq riskini artırır
Alimlər virusların insandan heyvana daha çox keçdiyini ortaya çıxarıblar
İsveç arxeoloqları XII əsrə aid gümüş sikkələr aşkarlayıblar
Finlandiyada etiraz nümayişləri Pasxa bayramından sonra davam edəcək
Bir ay tam yuxu alan insanlar özlərini 6 yaş cavan hiss edirlər - Araşdırma