Əfqanıstan: stadionda üçqat partlayış törədilib, azı 8 nəfər həlak olub
Bakı, 19 may, AZƏRTAC
Əfqanıstanın şərqində yerləşən Nanqarhar əyalətinin Cəlalabad şəhərində baş verən üçqat partlayış nəticəsində azı 8 nəfər həlak olub, 45 nəfər müxtəlif dərəcəli xəsarətlər alıb.
AZƏRTAC TASS informasiya agentliyinə istinadla xəbər verir ki, vilayət qubernatorunun nümayəndəsi Attaullah Hoqyani partlayıcı qurğuların Ramazan ayının başlaması ilə əlaqədar şəhər stadionunda keçirilən kriket oyunu zamanı işə salındığını bildirib. Həlak olanlar arasında yarışın təşkilatçısı və Loğman vilayətinin Mehtərlam şəhərinin merinin müavini də var.
“Tolo News” telekanalının məlumatına əsasən, “Taliban” hərəkatı hadisədə iştirakını inkar edib.
Bu, son bir həftədə Cəlalabad şəhərində baş verən ikinci oxşar insidentdir. Mayın 13-də gömrük idarəsinin qarşısında törədilən partlayış və hücum nəticəsində 6 nəfər həlak olmuş, 20-dək insan yaralanmışdı.
Yaponiya dərman istehsalçısının qida əlavəsində nəzərdə tutulmayan daha iki maddə aşkarlanıb
Bu ilin üç ayında Rusiyadan Çinə neft ixracı 13 faiz artıb
Almaniya 2022-ci ildə təhsil və tədqiqat işlərinə 370 milyard avro xərcləyib
ABŞ qoşunlarını Nigerdən çıxarmağa razıdır
Macarıstanın Baş naziri yenə də Aİ rəhbərliyini istefaya çağırıb