×
A
A
A
Sazlamalar

Azərbaycana yarım milyon saxta aksiz markası gətirən şəxslər ifşa olunublar

Bakı, 17 may, AZƏRTAC 

Dövlət Təhlükəsizliyi Xidməti (DTX) və Dövlət Gömrük Komitəsi tərəfindən həyata keçirilmiş birgə əməliyyat tədbirləri nəticəsində Azərbaycan-Gürcüstan sərhədindən gömrük nəzarətindən gizli qaçaqmalçılıq yolu ilə Azərbaycana keçirilən, qanunsuz və saxta spirtli içki istehsalı üçün nəzərdə tutulan təxminən 500 min ədəd saxta aksiz markası aşkarlanaraq götürülüb.
DTX-nin ictimai əlaqələr şöbəsindən AZƏRTAC-a bildiriblər ki, araşdırmalar zamanı saxta aksiz markalarını sifariş verib gizli surətdə çatdırılmasını təşkil edən, ölkədə saxta aksiz markalarının qanunsuz dövriyyəsi ilə məşğul olan Azərbaycan Respublikası vətəndaşları Mehdiyev İntiqam Hüseyn oğlu və Nəcəfov Ruslan Həmzə oğlu müəyyənləşdirilərək cinayət məsuliyyətinə cəlb olunublar.
Başlanılmış cinayət işi üzrə araşdırmalar davam edir.
Azərbaycan Respublikasında vətəndaşların sağlamlığına qəsd edən hüquqazidd əməllərin qarşısı bundan sonra da qətiyyətlə alınacaq.

Sosial 2018-05-17 14:02:00