Bakı, 16 may, AZƏRTAC

Daxili İşlər Nazirliyinin (DİN) Baş Cinayət Axtarışı İdarəsi və Mingəçevir Şəhər Polis Şöbəsinin əməkdaşlarının birgə keçirdikləri əməliyyat-axtarış tədbirləri nəticəsində aprelin 30-da Mingəçevirdəki şirkətlərin birində ekspeditor işləyən E.Abdullayevi evinin girişində fənərə oxşar alətlə vuraraq şirkətə məxsus, içərisində 70 min manat olan çantanı onun əlindən almaqda şübhəli bilinən qrupun digər üzvü - Mingəçevir şəhər sakini Yaşar Kərimov da saxlanılıb.
DİN-in mətbuat xidmətindən AZƏRTAC-a bildiriblər ki, faktla bağlı Mingəçevir Şəhər Polis Şöbəsində araşdırma aparılır.