Əcnəbi tələbələr 31 mart soyqırımı ilə bağlı məlumatlandırılıblar
Bakı, 31 mart, AZƏRTAC
Azərbaycan Memarlıq və İnşaat Universitetində (AzMİU) təhsil alan əcnəbi tələbələrin iştirakı ilə 31 mart – Azərbaycanlıların Soyqırımı Gününə həsr olunmuş anım tədbiri keçirilib.
AzMİU-dan AZƏRTAC-a bildirilib ki, tədbirdə soyqırımı qurbanlarının xatirəsi bir dəqiqəlik sükutla yad edilib.
Universitetin ictimai fənlər kafedrasının dosenti, fəlsəfə elmləri namizədi Gülarə Abbasova ermənilərin zaman-zaman azərbaycanlılara qarşı törətdikləri dəhşətli qırğınlar barədə əcnəbi tələbələrə ətraflı məlumat verib. Alim 1918-ci ilin mart-aprel aylarında Bakı şəhərində, eləcə də Bakı quberniyasının müxtəlif bölgələrində, habelə Şamaxı, Quba, Xaçmaz, Lənkəran, Hacıqabul, Salyan, Zəngəzur, Qarabağ, Naxçıvan və digər ərazilərdə erməni silahlı dəstələrinin azərbaycanlılara qarşı törətdiyi kütləvi qırğınlardan danışıb.
Sonda əcnəbi tələbələr 31 mart hadisələrindən bəhs edən videoçarxa baxıblar.
YAP Səbail rayon təşkilatı Azərbaycanlıların Soyqırımı Günü ilə əlaqədar anım tədbiri keçirib
Kəmalə Həşimova: Tezliklə Qərbi azərbaycanlıların da hüquqlarının bərpasına nail olacağıq
Muxtar Nağıyev: Azərbaycan xalqı olaraq birlik və həmrəylik sayəsində məqsədlərimizə çatacağıq
Mingəçevir Dövlət Universitetində Azərbaycanlıların Soyqırımı Gününə həsr olunan mühazirə keçirilib