Füzuli teatrında “Tarixin qanlı səhifəsi” adlı poetik xalq faciəsi nümayiş olunub
Füzuli, 30 mart, AZƏRTAC
Füzuli Dövlət Dram Teatrında 31 Mart - Azərbaycanlıların Soyqırımı Günü ilə əlaqədar “Tarixin qanlı səhifəsi” adlı poetik xalq faciəsi nümayiş olunub.
AZƏRTAC-ın bölgə müxbiri xəbər verir ki, teatrın direktoru, Əməkdar Mədəniyyət İşçisi Vaqif Vəliyevin ssenarisi əsasında hazırlanan tamaşada əsas rollarda Əli Hüseynov, İntizar Quliyeva, Sehran Xanlarov, Məryəm Məmmədova və başqaları çıxış ediblər. Səhnə əsərində 1918-ci ilin martında ermənilər tərəfindən Bakıda törədilən qanlı hadisələrdən bəhs olunur, Azərbaycan xalqının mübarizlik əzmi tamaşaçıların diqqətinə çatdırılır.
Çıxış edənlər ermənilər tərəfindən Azərbaycan xalqına qarşı yüz illər boyu həyata keçirilən soyqırımı və deportasiya siyasətindən, o cümlədən 1918-ci ilin mart-aprel aylarında Bakıda, Şamaxıda, Qubada, Muğanda, Lənkəranda törədilən qırğınlardan danışıb, bu faciələrin heç vaxt unudulmayacağını bildiriblər.
Mart soyqırımı qurbanlarının xatirəsi Gürcüstanda yad edilib
“TRT TÜRKÜ” radio kanalında 31 Mart-Azərbaycanlıların Soyqırımı Günü ilə bağlı proqram yayımlanıb
Misirli jurnalist Azərbaycanlıların Soyqırımı Günü haqqında məqalə yazıb