Əli Kardor: İran hazırda sutkada 3,95 milyon barrel xam neft hasil edir
Bakı, 23 avqust, AZƏRTAC
İranın xam neft istehsalının həcmi sutkada 3,95 milyon barrel təşkil edir.
AZƏRTAC “isna.ir”yə istinadla xəbər verir ki, bunu İranın neft nazirinin müavini Əli Kardor deyib. O bildirib ki, İran hazırda gündəlik 2,2 milyon barrel neft ixrac edir.
“İran Neft İxrac Edən Ölkələr Təşkilatı (OPEC) üzrə öz üzərinə götürdüyü öhdəliyi yerinə yetirir”, - deyə nazir müavini bildirib.
Xatirladaq ki, Ötən il noyabrın 30-da OPEC üzrə gündəlik neft hasilatının 1,2 milyon barrel azaldılaraq 32,5 milyon barrelə endirilməsi barədə razılıq əldə olunub. Dekabrın 10-da isə Vyanada OPEC üzvləri ilə təşkilata daxil olmayan 11 ölkə ümumi hasilatın sutkada 558 min barrel azaldılması barədə sazişə imza atıb. Mayın 25-də OPEC Nazirlər Şurasının 172-ci iclası çərçivəsində OPEC-ə üzv və qeyri-üzv dövlətlər arasında neft hasilatının azaldılmasına dair sazişin müddətinin 2018-ci ilin birinci rübünün sonunadək uzadılması barədə razılıq əldə olunub.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır