Naftalanda çoxmənzilli yaşayış binaları təmir edilir
Naftalan, 23 avqust, Rauf Hacıyev, AZƏRTAC
Son illər respublikamızın beynəlxalq kurort şəhərinə çevrilən Naftalanda turizmlə bərabər həm də infrastrukturun yenilənməsinə və onun müasir tələblər səviyyəsində qurulmasına diqqət artırılıb.
Naftalan Şəhər İcra Hakimiyyətindən AZƏRTAC-a bildirilib ki, uzun illərdən bəri təmirsiz qalmış 31 çoxmənzilli yaşayış binasının fasadı gülhəng daşı ilə üzlənib, binaların dam örtüyü və işıqlanma sistemləri, eləcə də giriş qapıları və pəncərələri dəyişdirilib. Naftalanda bina və şəhərdaxili bütün kommunikasiya xətləri yenilənib.
Bu vaxta qədər şəhərdəki küçələrə və məhəllələrarası sahəyə 65 min kvadratmetr asfalt qatı salınıb. Hazırda şəhərin çoxmənzilli yaşayış binalarının bloklarında girişdən başlayaraq yuxarı mərtəbəyədək təmir işləri davam edir.
Qeyd edək ki, bu vaxta qədər görülən işlər 10 çoxmərtəbəli yaşayış binasında tamamilə yekunlaşıb.
Göyçayda yol qəzası baş verib, xəsarət alanlar var
Naxçıvandan Qarabağa yollanan şəhid ailələri Füzuli rayonunda olublar
Növbəti aqrar biznes festivalı Qubada təşkil olunub
Naxçıvanda sel sularından səmərəli istifadə təmin edilib
Naxçıvanda saxta zeytun yağları satış dövriyyəsindən kənarlaşdırılıb