Bakı, 22 avqust, AZƏRTAC 

Fövqəladə Hallar Nazirliyi (FHN) Səbail rayonunda geyim əşyaları satılan mağazada baş verən yanğınla bağlı məlumat yayıb.
FHN-dən AZƏRTAC-a bildiriblər ki, Səbail rayonunun ərazisində ümumi sahəsi 150 kvadratmetr olan mağazanın geyinib-soyunma otağının taxtadan ibarət arakəsmə divarı və asma tavanı 30 kvadratmetr sahədə yanıb. Mağazanın qalan hissəsi yanğından mühafizə olunub. Yanğın saat 14:33-də yanğınsöndürənlər tərəfindən söndürülüb.
Hadisə ilə bağlı müvafiq qurumlar tərəfindən araşdırma aparılır.