Bakı, 19 avqust, AZƏRTAC

Bu gün futbol üzrə Azərbaycan Premyer Liqasının ikinci turuna start veriləcək.
AZƏRTAC xəbər verir ki, avqustun 19-da “Dalğa Arena”da “Səbail” və “Neftçi” klubları arasında keçiriləcək turun ilk görüşünü Ramil Diniyev idarə edəcək. Oyun saat 18:00-da start götürəcək.
Həmin gün turun mərkəzi matçında - saat 20:00-da “Qarabağ” komandası Bakının “İnter” klubunu qəbul edəcək. “Azersun Arena”da təşkil ediləcək qarşılaşmaya baş hakim kimi Rauf Cabbarov təyin olunub.
Avqustun 20-də isə Yevlax şəhər stadionunda “Kəpəz” komandası “Zirə” ilə görüşəcək. Bu oyunu baş hakim kimi Rəvan Həmzəzadə idarə edəcək. Bu oyuna saat 17:00-da start veriləcək.
Turun son matçında “Qəbələ” doğma meydanda “Sumqayıt” klubu ilə üz-üzə gələcək. Saat 20:00-da başlayacaq qarşılaşma FİFA referisi Əliyar Ağayeva həvalə olunub.