Azərbaycan yığmasının baş məşqçisi: Gimnastika regionlarımızda da inkişaf edir
Bakı, 18 avqust, AZƏRTAC
Son illər Azərbaycanın regionlarını təmsil edən gimnastların səviyyəsi yüksəlir.
AZƏRTAC xəbər verir ki, bu sözləri bədii gimnastika üzrə Azərbaycan yığmasının baş məşqçisi Mariana Vasileva deyib.
O bildirib ki, bu il Azərbaycanın açıq çempionatında ölkə regionlarından çoxlu sayda gimnast iştirak edir. Əvvəl bu yarışlarda yalnız Gəncənin klublarının gimnastları iştirak edirdisə, artıq Kürdəmir rayonunun və Zirənin klublarının idmançılarını da görürük. Regionlarda gimnastikanın inkişaf etməsi yaxşı haldır. Biz hazırda yığma komandada yeni nəsil gimnastları görürük. Biz artıq yeni mövsümə hazırlaşırıq. Yaxın zamanlarda dünya çempionatı keçiriləcək. Orada Azərbaycanı Zöhrə Ağamirova və Ayşən Bayramova təmsil edəcək.
M.Vasileva qeyd edib ki, bir sıra yeniyetmə və gənc gimnastlar artıq böyüklərin kateqoriyasında yarışırlar. Böyüklərin proqramında ötən il yeniyetmələrin yarışına qatılan gimnastlar iştirak edir. Bu idmançılardan Yelizaveta Luzan, Darya Farşbafşahriyari, Nərminə Səmədova və Arzu Cəlilova 2018-ci ildə keçiriləcək Avropa çempionatına hazırlaşacaqlar.
Baş məşqçi deyib ki, Azərbaycan çempionatında yeni zelandiyalı idmançılar və bu ölkənin hakimləri də iştirak edirlər. Onlar yarışın təşkilatçılıq səviyyəsindən məmnundurlar. Ötən həftə isə ölkəmizdə Avstraliya və ABŞ milliləri təlim-məşq toplanışı keçiriblər.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir