UEFA “Kopenhagen” klubunun “Qarabağ” komandasına qarşı şikayətini rədd edib VİDEO
Bakı, 17 avqust, AZƏRTAC
UEFA Danimarkanın “Kopenhagen” futbol klubunun Ağdamın “Qarabağ” komandasına qarşı şikayətinə rədd cavabı verib.
AZƏRTAC Danimarka klubunun saytına istinadla xəbər verir ki, qitənin ali futbol qurumu UEFA Çempionlar Liqasının pley-off mərhələsi çərçivəsində avqustun 15-də Bakıda keçirilən görüşün 21-ci dəqiqəsində yaşanan epizodla bağlı edilən şikayətlə əlaqədar hər hansı qərarın qəbul olunmasına əsas görməyib.
UEFA-nın bu qərarından sonra “Kopenhagen” klubunun rəhbərliyi apellyasiya şikayəti verməyi planlaşdırır.
Xatırladaq ki, Danimarka klubu oyunda “Kopenhagen”in cərimə meydançasında “Qarabağ”ın kapitanı Maksim Medvedevin qonaqların futbolçusu Pyer Benqstonun başına guya qəsdən zərbə endirməsi iddiası ilə bağlı UEFA-ya şikayət etmişdi.
Media əməkdaşları arasında atıcılıq yarışının qalibləri bəlli olub
Azərbaycanın güləş millisi “Çempionlar” turnirini 10 medalla başa vurub
Azərbaycan atıcıları Almaniyada qızıl medal qazanıblar
Azərbaycan Kanoe və Avarçəkmə Federasiyası COP29-a dəstək xarakterli təmizlik aksiyası keçirib