Bakı, 10 avqust, AZƏRTAC

FIFA milli komandaların reytinqini açıqlayıb.
AZƏRTAC xəbər verir ki, KONKAKAF kuboku və yoxlama oyunlarının nəticələrinə əsasən Azərbaycan millisi FIFA reytinq cədvəlində 79-cu sırada qərarlaşıb.
Hesabat dövründə heç bir matç keçirməyən Robert Prosineçkinin yetirmələrinin hesabında 427 xal var. Millimiz ötən ayla müqayisədə 1 pillə irəliləyib. Buna qonşu pillələrdəki yığmaların mövqe dəyişiklikləri səbəb olub.