Bakı, 10 may, AZƏRTAC
Braziliyanın cənubundakı Rio Qrande-du-Sul əyalətində on gündən çox davam edən güclü yağış və daşqınlar nəticəsində ölənlərin sayı 107-yə yüksəlib.
AZƏRTAC xəbər verir ki, bu barədə yerli hakimiyyət orqanlarının açıqlamasında bildirilir. Mülki Müdafiə Agentliyinin son hesabatına əsasən, təbii fəlakətdən 1 milyon 476 mindən çox insan zərər çəkib, 136 nəfər itkin düşüb.
Rio Qrande-do-Sul ştatının qubernatoru Eduardo Leyte baş verən fəlakəti bölgə tarixindəki ən dəhşətli faciə adlandırıb.
Xatırladaq ki, 2023-cü ildə ekstremal hava şəraiti regionda 100-dən çox insanın ölümünə səbəb olmuşdu.