Narva Estoniya Dövlət Gimnaziyasında Azərbaycan mədəniyyətini tanıdan dərslər təşkil edilib
Bakı, 9 may, AZƏRTAC
Estoniyada Karyera Təhsil Akademiyasının nəzdində fəaliyyət göstərən Azərbaycan həftəsonu məktəbi Estoniya Təhsil Nazirliyi və Estoniya Milli Azlıqların Həftəsonu Məktəblərin Müəllimləri Assosiasiyasının dəstəyi ilə Narva Estoniya Dövlət Gimnaziyasında Azərbaycan mədəniyyətini tanıdan dərslər təşkil edib.
AZƏRTAC-ın xəbərinə görə, həftəsonu məktəbinin rəhbəri Sənəm Əliyeva gimnaziyanın şagird və müəllimlərinə Azərbaycan mədəniyyəti və tarixi, həmçinin Azərbaycan reallıqları barədə məlumat verib.
Gimnaziya ailəsi Azərbaycan muğam və xalça sənətinə dair videomaterialları baxıblar.
Təqdimatın sonunda müəllim və abituriyentlərin Azərbaycanla bağlı sualları cavablandırılıb.
Gimnaziyada həm də Azərbaycan tarixi və mədəniyyətini əks etdirən guşə qurulub.
Azərbaycan həftəsonu məktəbi tərəfindən Narva Estoniya Dövlət Gimnaziyasına Azərbaycanla bağlı kitablar, xalça maketləri və suvenirlər hədiyyə edilib. Tədbirin sonunda məktəb ailəsi Azərbaycanın milli şirniyyatlarından dadıblar.
ADPU-da Qərbi Azərbaycan torpaqlarındakı maddi mədəni irsimizlə bağlı mühazirə təşkil edilib
Folklor İnstitutunun əməkdaşları beynəlxalq simpoziumda məruzə ediblər
Bakı Dövlət Universitetində “Könüllülük həftəsi” keçirilir
Mikrobioloq alimlərin məqaləsi “Scopus”da indekslənən jurnalda dərc olunub