Ön təkəri partlayan mülki təyyarə Antalya hava limanında gövdəsi üstə enib VİDEO
İstanbul, 9 may, Günel Karatepe, AZƏRTAC
Türkiyənin Antalya vilayətində Köln-Qazipaşa reysini həyata keçirən mülki təyyarə ön təkərinin partlaması nəticəsində gövdəsi üstə enib.
AZƏRTAC xəbər verir ki, “Corendon Airlines” şirkətinə məxsus təyyarədə olan 190 nəfər təxliyə edilib.
Hadisə ilə bağlı Türkiyənin Nəqliyyat və İnfrastruktur Nazirliyindən verilən açıqlamada bildirilib ki, bu gün yerli vaxtla saat 11:00 radələrində Köln-Qazipaşa reysi ilə uçan B738 tipli təyyarənin enişdən sonra təkəri partlayıb və hava vasitəsinin ön dayağı zədələnib. Təyyarədə olan 184-ü sərnişin, 6-sı ekipaj üzvü olmaqla, ümumilikdə 190 nəfər təxliyə edilib. Sərnişinlərdən xəsarət alan olmayıb.
İlkin məlumata görə, uçuş-enmə zolağına heç bir ziyan dəyməyib. Təyyarə üzərində araşdırma aparılır.
Yeni Kaledoniyada etirazçılar yolları bağlayıblar
İrandakı vəziyyətlə bağlı İtaliya Baş nazirinin sədrliyi ilə Nazirlər Şurasının iclası keçirilib
Gürcüstan parlamentinin sədri avropalı deputatları sərt tənqid edib
Stella Assanj Ali Məhkəmənin önündə açıqlama verib
Rusiya Prezidenti Seyid İbrahim Rəisinin ölümü ilə bağlı başsağlığı verib