“AzərEnerji” Ulu Öndər Heydər Əliyevlə bağlı tədbirlər keçirib
Bakı, 9 may, AZƏRTAC
Ulu Öndər Heydər Əliyevin anadan olmasının 101 illiyi və “Yaşıl dünya naminə həmrəylik ili” çərçivəsində “AzərEnerji” tərəfindən silsilə tədbirlər keçirilir. Ölkənin bir çox ərazilərində yerləşən enerji obyektlərində həyata keçirilən ağacəkmə aksiyasının davamı olaraq “Qobu” Enerji Qovşağının ərazisində də ağacəkmə aksiyası keçirilib.
Bu barədə AZƏRTAC-a “AzərEnerji” ASC-dən məlumat verilib. Bildirilib ki, aksiyanın keçirilməsində əsas məqsəd ölkədə ekologiyanın qorunması və ətraf mühitin sağlamlaşdırılmasına hər zaman böyük əhəmiyyət vermiş Ulu Öndər Heydər Əliyevin əziz xatirəsini yad etmək, ekoloji mədəniyyəti, təbiətə olan qayğı hissini təbliğ etmək, Ümummilli Liderin ənənəsinə sadiq qalmaqdır.
Ağacəkmə aksiyasının ardınca Ulu Öndərin anadan olmasının 101 illiyi ilə bağlı “Qobu” Enerji Qovşağının akt zalında tədbir keçirilib. Tədbirdə Heydər Əliyevin 1969-cu ildə Azərbaycan rəhbərliyinə gəlişindən sonra ölkə enerji sistemini kənar mənbələrdən asılı vəziyyətdən çıxarması və Azərbaycanda enerji müstəqilliyinin və təhlükəsizliyinin bünövrəsinin qoyulması, həmçinin 1993-cü ilin iyununda xalqın tələbi ilə siyasi rəhbərliyə qayıtdıqdan sonra elektroenergetika sahəsində gördüyü misilsiz işlərlə bağlı çıxışlar edilib.
Şəkidə təsərrüfatların 98 faizinin genişzolaqlı internetə çıxışı təmin edilib
® “Baku Steel Company” Tacikistanın dövlət qurumu ilə Anlaşma Memorandumu imzalayıb
® Azerconnect Group COP29 çərçivəsində keçirilən Biznes Forumda iştirak edib
Mərkəzi Bank yeni 1 qəpiklik metal pul nişanını tədavülə buraxıb