Qusarda qəza törədən avtomobil rabitə dirəyini aşırıb
Qusar, 8 may, Elxan Yusifli, AZƏRTAC
Qusarda qəza törədən minik avtomobili rabitə xətlərinə ziyan vurub.
AZƏRTAC-ın bölgə müxbiri xəbər verir ki, “Mercedes” markalı minik avtomobili rayon mərkəzindən Balaqusar kəndinə gedən yolda idarəetmənin itirilməsi nəticəsində aşıb.
Qəza zamanı xəsarət alan olmasa da su kanalına düşən avtomobil rabitə və yeni çəkilən internet xətlərinin dirəklərini aşırıb.
Qusar Telekommunikasiya Qovşağından bildirilib ki, idarənin əməkdaşları hadisə yerində olub, fəsadlar aradan qaldırılıb.
Faktla bağlı araşdırma aparılır.
Naxçıvanda bodibildinq üzrə muxtar respublika birinciliyi keçirilib
Naxçıvanın şəhərdaxili magistral kanalizasiya xətləri təmizlənib