Nəsimi rayonunda narkotiklərin satışı ilə məşğul olanlar saxlanılıblar
Bakı, 8 may, AZƏRTAC
Nəsimi Rayon Polis İdarəsinin əməkdaşlarının son bir neçə gün ərzində həyata keçirdikləri əməliyyatlar zamanı paytaxt ərazisində narkotik vasitələrin qanunsuz dövriyyəsi ilə məşğul olan 10 nəfər saxlanılıb. Həmin şəxslərdən 5 kiloqrama yaxın heroin, tiryək və psixotrop tərkibli metadon həbləri aşkarlanıb.
Bu barədə AZƏRTAC-a Daxili İşlər Nazirliyinin mətbuat xidmətindən məlumat verilib.
Bildirilib ki, idarə əməkdaşlarının apardıqları profilaktik tədbirlər zamanı isə 5 “Kalaşnikov” avtomatı, 3 ov tüfəngi, 5 daraq və 81 patron vətəndaşlar tərəfindən könüllü olaraq polisə təhvil verilib. Mülki axtarışda olan 18, müxtəlif cinayət törətdikləri üçün barələrində axtarış elan edilən 8 şəxs saxlanılıb.
Soyuq silah hesab edilən kəsici-deşici alətlərin satışına qarşı keçirilən tədbirlər zamanı 8 obyektdən xəsarət yetirmək təyinatına malik satışı nəzərdə tutulan 312 bıçaq aşkarlanaraq götürülüb.
Aşkar olunan faktlarla araşdırmalar davam etdirilir.
Ədliyyə naziri Tovuzda vətəndaşları qəbul edib
Azərbaycanla Tacikistan arasında əməkdaşlıq imkanları müzakirə edilib
Masallıda qətldə şübhəli bilinən şəxs saxlanılıb
Dövlət Komitəsinin illik məlumatı Milli Məclisin plenar iclasına tövsiyə olunub