Azərbaycanın qadın boksçuları lisenziya turnirinə Qazaxıstanda hazırlaşacaqlar
Bakı, 8 may, AZƏRTAC
Qadın boksçulardan ibarət Azərbaycan millisi Qazaxıstana yollanıb.
Azərbaycan Boks Federasiyasından AZƏRTAC-a bildiriblər ki, yığma Almatı Olimpiya Hazırlıq Mərkəzində təlim-məşq toplanışı keçəcək.
Hazırlığa Marjona Savriyeva (50 kiloqram), Zeynəb Rəhimova (54 kiloqram), Məhsəti Həmzəyeva (57 kiloqram), Şəhla Allahverdiyeva (66 kiloqram) və Aynur Rzayeva (75 kiloqram) cəlb olunublar. Bu gün start götürəcək məşqlər mayın 18-dək davam edəcək. Boksçuların hazırlıq çərçivəsində sınaq döyüşləri də planlaşdırılır.
Toplanış II Dünya Olimpiya Təsnifat Turnirinə hazırlıq xarakteri daşıyır.
"Fənərbağça" səfərdə "Qalatasaray"ı məğlub edib
Azərbaycan Basketbol Liqası: "Sabah" final seriyasının ikinci oyununda "Xəzri"yə qalib gəlib
"Mançester Siti" İngiltərə çempionu olub
Qızıl Avropa Liqası: Azərbaycan voleybol millisi ikinci dəfə məğlub olub