İbtidai insanların qidası barədə yeni məlumatlar əldə edilib
Bakı, 8 may, AZƏRTAC
Uzun müddət belə bir fikir hakim idi ki, yığıcılıq və ovçuluqla məşğul olan ibtidai insanların qidasının əsasını ət təşkil edib. Lakin son tədqiqatlar bu fikrin həqiqiliyini şübhə altına alır.
AZƏRTAC xəbər verir ki, Almaniyanın Maks Plank İnstitutu, Fransanın Tuluz Yer Elmləri Laboratoriyası və Mərakeşin Milli İrs və Arxeologiya Elmləri İnstitutunun birgə tədqiqatının nəticələri elmi jurnalda dərc olunub.
Məqalə müəllifləri göstərirlər ki, hələ əkinçilik meydana çıxmazdan qabaq, təxminən 15 min il əvvəl insanların qidasında bitkilər üstünlük təşkil edib. Mərakeşdəki Taforalt mağarasından götürülən nümunələr sübut edib ki, insanlar həmin dövrdə paxlalı bitkilər, xüsusən də mərciməklə qidalanıblar. Körpələrin qidasında isə bitkilərə daha çox üstünlük verilib. İbtidai insanlar qidaya yaramayan bitkilərdən səbət hörməyi öyrəniblər.
Alimlər sink və stronsium izotoplarının analizi əsasında bu nəticəyə gəliblər.
Türkiyə İrana xilasedici qruplar göndərib
Ərdoğan: Türkiyə hadisəni İranın rəsmi orqanları ilə koordinasiyada yaxından izləyir
Türkiyə XİN İran Prezidentinin olduğu helikopterin sərt eniş etməsi ilə bağlı bəyanat yayıb
ABŞ Çinin monitorinqi üçün Tokiodakı səfirliyinə xüsusi əməkdaşlar göndərəcək