Qaxda qanvermə aksiyası keçirilib
Qax, 4 may, Mustafa Dadaşov, AZƏRTAC
Qax Rayon Mərkəzi Xəstəxanasında təşkil edilən növbəti qanvermə aksiyasında 72 nəfər könüllü qan verib.
AZƏRTAC-ın bölgə müxbiri xəbər verir ki, B.Eyvazov adına Elmi-Tədqiqat Hematologiya və Transfuziologiya İnstitutunun nəzdindəki Mərkəzi Qan Bankının səyyar həkim briqadası tərəfindən həyata keçirilən aksiyanın məqsədi talassemiya və hemofiliyalı xəstəliklərdən əziyyət çəkən insanlara kömək göstərmək, onlara dəstək olmaqdır.
Aksiyada rayonun ayrı-ayrı əmək kollektivlərinin nümayəndələri, həmçinin sakinlər fəal iştirak ediblər. Əvvəlcə hər bir donorun sağlamlığı yoxlanılıb. Müayinə nəticəsində səhhəti imkan verən şəxslərdən qan götürülüb. Toplanan qan laboratoriya müayinəsindən keçirildikdən sonra Mərkəzi Qan Bankına təhvil veriləcək və irsi qan xəstəliklərindən əziyyət çəkən insanların müalicəsində istifadə olunacaq.
Naxçıvan Muxtar Respublikası Nazirlər Kabinetinin bir sıra qərarları ləğv edilib
Əməkdar rəssam Həmzə Sadiqovun fərdi yaradıcılıq sərgisi açılıb
Şəmkirdə iki minik avtomobili toqquşub, ölən və xəsarət alanlar var
Saatlıda minik avtomobili su kanalına düşüb VİDEO
Lerikdə uçqun baş verən ərazidə nəqliyyatın hərəkəti nəzarətə götürülüb