ANAMA sədrinin birinci müavini: Mülki təyinatlı ərazilərin qəsdən minalanması insanlıq əleyhinə cinayətdir
Bakı, 2 may, AZƏRTAC
Azərbaycan Respublikası Minatəmizləmə Agentliyinin İdarə Heyəti sədrinin birinci müavini Bəhruz Məmmədov Türkiyənin İnsan Hüquqları və Bərabərlik Qurumunun sədri Məhərrəm Qılınc ilə görüş keçirib.
Agentliyin mətbuat xidmətindən AZƏRTAC-a bildirilib ki, Bəhruz Məmmədov Azərbaycanın işğaldan azad edilmiş ərazilərində mövcud mina təhlükəsi, minatəmizləmə sahəsində əldə edilən nailiyyətlər və görülən işlər barədə qonağa məlumat verib. O, yalnız keçmiş təmas xəttinin deyil, həmçinin mülki təyinatlı ərazilərin, obyektlərin minalarla yüksək səviyyədə çirkləndirilməsinin, heç bir hərbi əhəmiyyət daşımayan ərazilərin qəsdən minalanmasının insanlıq əleyhinə törədilmiş cinayət olduğunu bildirib.
Görüşdə mina təhlükəsi ilə mübarizə sahəsində Türkiyə Respublikası ilə mövcud əməkdaşlıq, insanların sağlam və təhlükəsiz ətraf mühitdə yaşamaq hüququna, eləcə də ekoloji sistemə ciddi təhdidlər yaradan mina probleminə beynəlxalq səviyyədə hüquqi qiymət verilməsinə dair mümkün əməkdaşlıq perspektivləri və qarşılıqlı maraq doğuran digər məsələlər ətrafında fikir mübadiləsi aparılıb.
Məhərrəm Qılınc təqdim edilən məlumatlara görə təşəkkürünü bildirərək, Ulu Öndər Heydər Əliyevin “Bir millət, iki dövlət” devizi altında hər zaman Azərbaycanın haqq səsinin beynəlxalq auditoriyaya çatdırılmasına dəstək verməyə hazır olduğunu vurğulayıb.
Dövlət İmtahan Mərkəzi və Dövlət Məşğulluq Agentliyi DOST TV-də birgə layihəyə başlayıb
Füzuli, Ağdam və Cəbrayılın bəzi kəndlərində vətəndaşlara aylıq müavinətin ödənilməsi dayandırılıb
Bir il ərzində Naxçıvan “ASAN xidmət” mərkəzinə 422 mindən çox müraciət qeydə alınıb
Azərbaycan türk dövlətlərinin sosial sahə üzrə məsul şəxslərinin birinci toplantısında təmsil olunub