Bakı, 30 aprel, AZƏRTAC

İtaliyanın Rimini şəhərində keçirilən Avropa çempionatında gümüş medal qazanan Azərbaycan gimnastı Nikita Simonov Vətənə dönüb.
AZƏRTAC xəbər verir ki, idmançını Heydər Əliyev Beynəlxalq Aeroportunda idman ictimaiyyətinin nümayəndələri, azarkeşlər, KİV nümayəndələri və yaxınları qarşılayıblar.
O, qitə çempionatında halqalarla hərəkətlərdə fəxri kürsünün ikinci pilləsinə qalxıb.
Bununla da N. Simonov Azərbaycanın kişi idman gimnastikası tarixində Avropa çempionatında əldə edilmiş ilk medalın sahibi olub.