Ombudsman Aparatının nümayəndələri Baş Klinik Hospitalda olublar
Bakı, 29 aprel, AZƏRTAC
Müdafiə Nazirliyi ilə İnsan Hüquqları üzrə Müvəkkili (Ombudsman) Aparatı arasında imzalanmış 2024-cü il üçün birgə tədbirlər planına uyğun olaraq, aparatın nümayəndələri Müdafiə Nazirliyinin Baş Klinik Hospitalında olublar.
Müdafiə Nazirliyinin mətbuat xidmətindən AZƏRTAC-a verilən məlumata görə, aparatın nümayəndələri hospitalın müasir tibbi avadanlıqlarla təchiz olunan şöbələrində yaradılan şəraitlə yaxından tanış olub, burada müalicə alan hərbi qulluqçuların sağlamlıq durumları, o cümlədən tibb xidmətinin təşkili və təminatla maraqlanıblar.
Nümayəndə heyətinə tibbi personalın gündəlik iş fəaliyyəti ilə bağlı ətraflı məlumat verilib.
Aparat əməkdaşları göstərilən tibbi xidmətin səviyyəsini və müalicə işinin təşkilini yüksək qiymətləndiriblər.
Azərbaycan Beynəlxalq Hərbi İdman Şurasının 79-cu Baş Assambleyasında təmsil olunub
Müdafiə Nazirliyi: Mayda 254 hektardan çox ərazi minalardan tam təmizlənib VİDEO
Müdafiə Nazirliyinin rəhbər heyəti hərbi vəzifəlilərlə görüşüb
Əlahiddə Ümumqoşun Orduda bütün növ silah və texnikalara mövsümə uyğun texniki qulluq göstərilir