V “Raquf Orucov kuboku” beynəlxalq turniri keçiriləcək
Bakı, 29 aprel, AZƏRTAC
Aprelin 30-da Bakı İdman Sarayında cüdo üzrə V “Raquf Orucov kuboku” klublararası beynəlxalq turnir keçiriləcək.
AZƏRTAC xəbər verir ki, Turnir 2016-cı ilin Aprel döyüşlərinin şəhidi, əfsanəvi kəşfiyyatçı, polkovnik-leytenant Raquf Orucovun timsalında torpaqlarımızın işğaldan azad olunması, dövlətimizin suverenliyinin təmin olunması uğrunda canlarını qurban verən bütün şəhidlərimizin xatirəsinə həsr edilir.
Azərbaycan Cüdo Veteranları Assosiasiyasının təşəbbüsü, Azərbaycan Gənclər və İdman Nazirliyinin və Azərbaycan Cüdo Federasiyasının dəstəyi ilə təşkil olunan ənənəvi turnirdə ölkəmizlə yanaşı, Türkiyənin, Rusiyanın, Türkmənistanın, Macarıstanın və Gürcüstanın klub komandaları iştirak edəcəklər.
Xatırladaq ki, dostluq, əməkdaşlıq və vətənpərvərlik ruhu aşılayan turnirin əsası 2017-ci ildə qoyulub. İdman ictimaiyyətinin böyük maraq göstərdiyi turnir 2018, 2019-cu illərdə də keçirilib. Koronavirus pandemiyası ilə əlaqədar yaranmış fasilədən sonra, ötən ilin noyabrında –dövlət suverenliyimizin tam bərpa olunduğu bir dövrdə isə turnir yenidən bərpa olunub.
“Qarabağ”ın aşağı yaş qrupları üzrə komandaları Qətərə yollanıb
Azərbaycan və Danimarka futbol sahəsində əməkdaşlıq edə bilər
Azərbaycanın iki boksçusu finala yüksəlib, üçü bürünc medal qazanıb
Premyer Liqaya vəsiqə qazanacaq komandanın mükafatlandırma mərasiminin vaxtı açıqlanıb
PFL Azərbaycan çempionları üçün hazırlanmış yeni kubok və medalları təqdim edib VİDEO