Premyer Liqa: “Qarabağ” rekordun 3 addımlığında dayanıb
Bakı, 29 aprel, AZƏRTAC
“Qarabağ”ın qollu oyunlar seriyası qırılıb.
AZƏRTAC Peşəkar Futbol Liqasının rəsmi saytına istinadən xəbər verir ki, Azərbaycan Premyer Liqasının ardıcıl 30 matçında qol vuran Ağdam klubu XXXII turun “Sumqayıt”la görüşündə rəqib qapısına yol tapmayıb – 0:1.
Qurban Qurbanovun başçılıq etdiyi komanda cari mövsüm bunadək yalınız ilk turun “Zirə” ilə görüşünü qolsuz tərk edib. Həmin matç da eyni hesabla bitib.
Ardıcıl 30 qarşılaşmada qol vurmaq Azərbaycan çempionatları tarixində ikinci göstəricidir. “Qarabağ” 1993-1995-ci illərdə ardıcıl 33 oyunda qol sevinci yaşayan “Turan”ın rekordunun üç addımlığında dayanıb.
Hidayət Heydərov dünya çempionatının qalibi olub VİDEO
Malayziyada Ulu Öndər Heydər Əliyevə həsr olunan şahmat turniri təşkil edilib
Avropa çempionatı: Azərbaycanın daha bir güləşçisi finala yüksəlib
Avropa çempionatı: Azərbaycan güləşçisi finala yüksəlib
“Neftçi”nin baş məşqçisi: Qarşımızda Çempionlar Liqası kimi çox ağır missiya var