Azərbaycan Badminton Federasiyasının nümayəndə heyəti BWF-nin illik toplantısında iştirak edib
Bakı, 29 aprel, AZƏRTAC
Azərbaycan Badminton Federasiyasının (ABF) nümayəndə heyəti Dünya Badminton Federasiyasının (BWF) illik toplantısında iştirak edib.
ABF-nin mətbuat xidmətindən AZƏRTAC-a verilən məlumata görə, Çinin Çendu şəhərində baş tutan illik konfransda dünyanın 151 yerli federasiyasının nümayəndələri iştirak ediblər.
BWF prezidenti Poul Erik Höyer bildirib ki, dünyada badmintona maraq dayanmadan artmaqdadır. Qurum rəhbərinin sözlərinə görə, 2023-cü ildə dünya üzrə qeyd olunan 5 iyul - Badminton Günündə 60 ölkədə 200-dən artıq tədbir keçirilib. Bu idman növü bütün qitələrdə inkişaf etməkdədir. O qeyd edib ki, Beynəlxalq İdman Federasiyaları üzrə BWF ən çox izlənilən beş qurum sırasındadır.
Azərbaycan Badminton Federasiyasının prezidenti Taleh Ziyadovun rəhbərlik etdiyi nümayəndə heyəti illik toplantıda iştirak edərək bir sıra ikitərəfli görüşlər keçirib.
Qeyd edək ki, Azərbaycan Badminton Federasiyası həm dünya, həm də Avropa Badminton ailəsinin fəal tərəfdaşı hesab olunur. Ötən il Avropa Badminton Federasiyasının illik konqresi ilk dəfə Bakıda keçirilib. 2025-ci ildə isə Azərbaycan paytaxtı qarışıq komandalar arasında badminton üzrə Avropa çempionatına ev sahibliyi edəcək.
Qızıl Avropa Liqası: Azərbaycan voleybol millisi Rumıniya seçməsinə məğlub olub
Yığmanın baş məşqçisi: Təəssüf ki, komanda bu gün istədiyi oyunu nümayiş etdirə bilmədi
® “Nar” voleybol üzrə milli komandalarımıza Qızıl Avropa Liqasında uğurlar arzulayır!
Baş məşqçi: Nazim Babayev və Anna Skidanın Avropa çempionatında iştirakı dəqiqləşib
Gənc cüdoçulardan ibarət Azərbaycan millisinin Avropa Kuboku üçün heyəti açıqlanıb