Beynəlxalq Valyuta Fondu COP29-a ev sahibliyi çərçivəsində Azərbaycana dəstək göstərməyə hazırdır
Vaşinqton, 20 aprel, AZƏRTAC
Beynəlxalq Valyuta Fondu (BVF) və Dünya Bankının rəhbər orqanlarının illik yaz sessiyasında iştirak edən və Azərbaycanı BVF-də rəhbər olaraq təmsil edən, maliyyə naziri Samir Şərifov, ekologiya və təbii sərvətlər naziri, COP29-un Prezidenti Muxtar Babayev, Mərkəzi Bankın sədri Taleh Kazımov, Milli Məclisin üzvü, COP29 üzrə BMT-nin İqlim Dəyişikliyi üzrə Yüksək Səviyyəli Çempionu Nigar Arpadarai, Xarici İşlər Nazirliyi və Azərbaycanın ABŞ-dakı səfirliyinin nümayəndələrinin iştirakı ilə BVF-nin idarəedici direktoru Kristalina Georgieva və heyəti arasında görüş keçirilib.
AZƏRTAC xəbər verir ki, görüş zamanı maliyyə naziri S.Şərifov yenidən BVF-in idarəedici direktoru seçilməsi ilə bağlı xanım K.Georgiyevaya Azərbaycan Prezidenti İlham Əliyevin təbrik mesajlarını çatdırıb.
Qarşı tərəf təbrikə görə dərin minnətdarlığını ifadə edib, eyni zamanda, Azərbaycanın COP29-a ev sahibliyi çərçivəsində dəstək göstərməyə hazır olduqlarını bildirib. Görüş zamanı, həmçinin BVF-ilə ümumi əlaqələr və COP29 çərçivəsində də mümkün əməkdaşlıq imkanları ətrafında fikir mübadiləsi aparılıb.
Məlahət Nəcəfova
AZƏRTAC-ın xüsusi müxbiri
Vaşinqton
“Cabbar Həşimov” tankeri əsaslı təmirdən sonra yenidən istismara qaytarılıb
“digital.login” platformasının təkmilləşdirilmiş yeni versiyası istifadəyə verilib
AZAL bu yay 60-a yaxın istiqamətdə aviareys həyata keçirəcək
® ABB “Mastercard”ın 2 mükafatını qazanıb
“Bakı KOB evi”ndə sahibkarlara 8 minə yaxın B2B xidmət göstərilib